Technician

Welcome to this internet site

Gatsibo :Barishimira siporo rusange

Posted by technician on janvier 15th, 2017

 

Abanyagatsibo biganjemo urubyiruko,abakuze n’abayobozi b’Akarere babyukiye muri siporo rusange kuri iki cyumweru taliki ya 15 Mutarama 2017 aho yakorewe mu murenge wa kabarore mu karere ka Gatsibo, iyi siporo rusange ikaba yakozwe kuri kilometero  icumi nyuma abitabiriye iyi siporo bakoze ibikorwa by’ingororamubiri mu kibuga cy’umupira cy’Akarere.

 

Mu kiganiro Umuyobozi w’Akarere ka Gatsibo Bwana GASANA Richard yahaye abaturage,abayobozi b’inzego zitandukanye bari bitabiriye siporo rusange ku rwego rw’Akarere yababwiye ko siporo ari ingirakamaro mu mibereho y’umuntu haba ku rubyiruko ndetse n’abakuze.Yagize ati’’  Nkuko leta yacu ihora  izamura imibereho myiza y’abaturage binyuze mu bikorwa bitandukanye ninako yifuza ko abaturage bagira amagara mazima’’.

 

Umwe mu basaza bitabiriye siporo ariko utifuje ko izina rye ritangazwa yavuze ko siporo ari nziza cyane cyane ku bantu bakuze dore ko baba bafite integer nke z’umubiri ndetse n’indwara zikunda gufata abantu bakuze.

 

Iki gikorwa cya siporo rusange kizajya kiba inshuro imwe mu kwezi nkuko byavuze n’umuyobozi w’Akarere ka Gatsibo

Posted in Kinyarwanda | Réagir »

Umugore ashobora kuba arusha ibiro abandi bose kw’isi agiye kuvurirwa mu Buhinde

Posted by amani2 on janvier 14th, 2017

 

Eman Ahmed Abd El Aty, umugore ushobora kuba ari we arusha ibiro abandi bose kw’isi, yitezwe mu Buhindi aho agiye kuvurirwa.

Abd El Aty w’imyaka 36 yitezwe mu Buhinde mu mpera za kuno kwezi kwa mbere, umuryango we ukavuga ko amaze imyaka 25 adashobora kuva mu rugo.

Umuryango we niwo utanga ibiro bye ugereranyije, ukavuga ko ashobora kuba afite ibigera kuri 500.

Nibyemezwa azaba ariwe mugore urusha abandi ibiro ku isi uriho, kubera ubu umuhigo uriho wa Guinness ufitwe na Pauline Potter wo muri Amerika, muri 2010 yapimaga ibiro 292.

Abd El Aty azavurwa n’itsinda ry’abaganga bayobowe n’umuganga w’umuhanga mu kubaga witwa Dr Muffazal Lakdawala.

Kubera ko adashobora gukoresha indege zisanzwe zitwara abagenzi, azagera i Mumbai mu ndege izakodeshwa, aherekejwe n’umuvandimwe we usanzwe amwitaho. 
Ariko azabanza agabanye ibiro bye gatoya kugirango bazabashe kumubaga. 
Igikorwa kitoroshye

Hari amakuru avuga ko aho azavurirwa hazatwara amafaranga angana n’amadolari hafi ibihumbi 300 yo kuhubaka, kandi ngo hazaba huzuye mu mpera za kuno kwezi.

Umuryango we uvuga ko Abd El Aty yavukanye ibiro 5 maze abaganga bemeza ko afite indwara yo kubyimba ingingo.

Ku myaka 11 ibiro bye byari bimaze kwiyongera cyane ku buryo yarwaye indwara ituma amaraso adatembera neza mu bwonko maze bituma atongera kuva mu gitanda.

Posted in Kinyarwanda | Réagir »

 


Créer un Blog | Nouveaux blogs | Top Tags | 490 articles | blog Gratuit | Abus?