Technician

Welcome to this internet site

Minisiteri y’Uburezi iratangaza amanota y’abasoje amashuri yisumbuye

Posted by amani2 on février 16th, 2017

Minisiteri y’Uburezi yatangaje ko amanota
y’abanyeshuri barangije amashuri yisumbuye
aza gushyirwa ku mugaragaro kuri uyu wa
Kane tariki ya 16 Gashyantare 2017.
Abanyeshuri bakoze ibizamini mu cyiciro cya
Kabiri (A’Level), ni 41 719 bagabanutseho
968 bangana na 2.3% ugereranyije
n’umwaka wa 2015 wari wabanje.
Mu banyeshuri bari biyandikishije ku gukora
ibizamini, hari abagera kuri 45 barimo 20
b’abakandida bigenga n’abandi 25 bo mu
banyeshuri basanzwe batemerewe.
Mu kiganiro yagiranye n’abanyamakuru
kuwa 26 Ukwakira 2016,yavuze ko isuzuma
baherutse gukora ryo kureba niba
abanyeshuri biyandikishije gukora ibizamini
bose bahari, basanze hari abakandida
bigenga batanze impapuro mpimbano
zigaragaza ko barangije icyiciro rusange
cy’amashuri yisumbuye.

Posted in Kinyarwanda | Réagir »

Nyarugenge: Hari gukorwa iperereza ku nzu y’ amayoberane bikekwa ko isengerwamo Shitani

Posted by amani2 on février 12th, 2017

Mu murenge wa Nyakabanda Akagari ka Munanira II mu karere ka Nyarugenge haravugwa inzu y’ amayoberane abaturage bavuga ko isengerwano Shitani, abandi bakavuga ko iyi nzu ibateye inkenke kuko babona abantu batazi baza bakinjiramo bakongera bakagenda.

Ni inzu ngari iteye irangi ry’ umuhondo, kuyinjiramo ni ukwinjira mu muryango wa Kontineri iteretse iruhande rwayo. Iyi nzu nta madirishya ifite yakwinjizamo umwuka cyokora ifite kositara zifite utwenge duto.

Abaturage baganiriye na City Radio bavuze ko iyi inzu isengerwamo Shitani, abandi bavuga ko iyi nzu ibamo ikitwa Mwaminoti ari nacyo gituma bahita kwa Mwaminoti.

Umwe mubaturage yagize ati “Hano hiberamo Mwaminoti, hitwa kwa Mwaminoti”

Mugenzi we ati “Haje afande w’ amanyenyeri arinjira, agera mu cyumba cya mbere ageze mu cya kabiri amera nk’ umugeze mu kuzimu, asohoka yiruka yatsa imodoka arigendera”

Undi muturage yagize “ Twe dusa n’ aho tumenyereye gahunda yabo, baza ku Cyumweru saa tatu ntabwo twinjiyemo kureba ko basenga, ariko twumva ngo barasenga”

Hari abaturage bavuga ko iyo abo bantu binjiye bumva basa n’ abasenga mu buryo butamenyerewe bagakeka ko baba barimo guhamagara ikitwa ‘ Mwaminoti’

Aba baturage bavuga ko bafite impungenge z’ umutekano wabo kuko hari abashobora kwitazwa ko iyi nzu ari urusengero kandi hari ikindi kibyihishe inyuma. Ngo babona abantu baza bagaparika imodoka bagakingura bakinjiramo bakongera bagasohoka bakagenda.

Umuyobozi w’ Akarere ka Nyarugenge Kayisime Nzaramba yavuze ko harimo gukorwa ubucukumbuzi ngo hamenyekane igikorerwa muri iyi nzu.

Yagize ati “Twarabikurikiranye dushyiraho n’ inzego zishinzwe kubikurikirana, batubwiye ko raporo bayiduha uyu munsi. Birashoboka ko uko abantu babivuga atari niyo mpamvu abantu baba bagira ngo babanze basesengure tumenye neza niba ibyo bavuga aribyo cyangwa ataribyo”

Ibi byumvikanye mu gihe mu mwaka ushize wa ‘2016’ hari abantu basabye gusenga Shitani ku mugaragararo Leta y’ u Rwanda ntibibemerere.

Posted in Kinyarwanda | Réagir »

 


Créer un Blog | Nouveaux blogs | Top Tags | 492 articles | blog Gratuit | Abus?